Alfi’S Expressions

Happy to share my feelings

bisnis online

Jenis-Jenis Harato di Minangkabau

    Harato di Minangkabau dapek dibagi berdasarkan “kapamilikan” dan berdasarkan “caro mandapek-kan”nyo.

    A. Kapamilikan
    1. Harato Nagari
    2. Harato Adat
    3. Harato Kaum
    4. Harato Faraid
    B. Caro Mandapek
    1. Harato Tambilang Ameh
    2. Harato Tambilang Basi
    3. Harato Tambilang Kayu
    4. Harato Tambilang Tunjuak
    A.1. Harato Nagari: adolah harato kolektif nan disapakati dek niniak muyang nan managak-kan nagari, sabagai milik basamo saluruah anak nagari. Pemanfaatan untuak saluruah masyarakaik, badasarkan kasapakatan.

    Ado duo harato nagari: 1. Ulayat Nagari; 2. Paragat Nagari.
    Ulayat Nagari: Tanah Ulayat (tanah cadangan), Hutan Ulayat, Hutan Larangan, Banda Larangan.
    Paragat Nagari: Musajik, Balai Adat, Labuah, Pasa, Tapian, Baramban, Pakok-an, Banda, Darmaga, Galanggang (tanah lapang, pacuan kudo).

    A.2. Harato Adat: adolah harato kolektif nan dipagunokan untuak urusan perangkat adat. Pemakaian berdasarkan kesepakatan niniak-mamak dalam nagari, atau niniak mamak dalam kaum.

    Harato Adat duo tingkatan: Harato adat nagari, harato adat kaum/suku
    Harato Adat Nagari: Kubu, Sawah Paduan, Bonjo, Benteang.
    Harato Adat Kaum/Suku: Ulayat Kaum, Surau, Tabek, Pandam/Pakuburan, Sawah Abuan.

    A.3. Harato Kaum: Harato dengan hak pakai (hak tanam/tuai) oleh seluruh anggota kaum dengan persetujuan Pangulu. Pusako (HPT): Sasok Jarami (sawah), Ladang, Rumah Gadang, Rangkiang.

    A.4. Harato Faraid: HPR Harato privat (milik pribadi) pencarian

    B.1. Harato Tambilang Ameh: harato (semua jenis harato kalompok A) nan didapek malalui jua-bali.

    B.2. Harato Tambilang Basi: harato nan didapek malalui malaco/ manaruko.

    B.3. Harato Tambilang Kayu: harato nan didapek malalui pamufakatan antar nagari atau antar kaum.

    B.4. Harato Tambilang Tunjuak: harato nan didapek malalui kekuasaan atau kewenangan kerajaan, atau kekuatan wibawa niniak muyang.

    Tambahan:

    KUBU
    Kubu tu ado duo.Kubu tampek barundiang, kubu tampek batandiang.
    Wujudnyo taisuak samacam tanah strategis di ateh atau di pinggang bukik. Ukurannyo indak laweh, sakitar duo puluah dapo persegi.Diuntuak-kan sabagai tampek bertahan dek parik-paga-dalam, katiko mahadapi serangan dari lua nagari.
    Biasonyo, sasudah tu jadi milik Pangulu Pangkatuo Kubu (Koto-Piliang), atau Pangulu Andiko (Bodi-Caniago).

    SAWAH ABUAN/SAWAH PADUAN
    Sawah Abuan adolah harato adat kaum. Milik kaum, tapi untuak aleh tapak pangulu. Pambali timbakau. Sawah Abuan biasonyo di-saduokan ka urang lain, indak dikarajokan dek kamanakan doh. Hasianyo (sapaduo) dijapuik dek kamanakan ka nan manyaduoi. Dijadikan pitih pambali timbakau Pangulu. Jadi, pangulu indak mintak2 ka kamanakan doh.
    Biasonyo suku2 nan managak-kan Koto jo Nagari mampunyoi Sawah Abuan. Tapi banyak nan lah hanyuik. Manuruik inyiak ambo, paliang banyak Sawah Abuan ko tajua maso Japang.Ado pangulu nan manjua sawah abuannyo sakadar sapiriang kacimuih.Dek suliknyo nan ka dimakan.

    Ado pulo Sawah Paduan.
    Biasonyo di Kalarasan Koto Piliang. Untuak aleh tapak Pangulu Pucuak Bulek, nan mauruih nagari.

    Falsafah nan tasimpan adolah:
    Adat mamikiakan nasib pangulu malalui Sawah Abuan, sahinggo pangulu “bajalan ba-aleh tapak”. Indak ikhlas beramal see doh.Dengan Sawah Abuan, pangulu mampunyoi “gaji”, sahinggo inyo terhormat dalam manjalankan tugeh.Kalau indak, dari ma nyo dapek pitih pambali timbakau? Tantu pangananyo ka-manjua harato lai.

    RSS 2.0 | Trackback | Comment


    One Response to “Jenis-Jenis Harato di Minangkabau”


    1. Yayasan Permahisa Lampung, merupakan lebgama yang konsen untuk melakukan kajian, penelitian, advokasi dan pendampingan komunitas adat Lampung yang terdiri dari dua rumpun besar, yaitu Pepadun dan Saibatin. Kita sedang dan akan berjuang agar pemerintah daerah mengembalikan kedaulatan adat untuk mengatur pemerintahan adat di tingkat desa (tiyuh, pekon, anek)yang pernah eksis dalam terminologi dan pranata kepunyimbangan dan Perwatin . Dengan demikian otonomi daerah tidak hanya difahami sebagai perubahan istilah2 lama ke istilah2 lokal, tetapi juga substansinya perlu diaktualisasikan. Mohon kerjasama dari teman2 yang memiliki misi perjuangan yang sama. Salam. Aqil

    Leave a Reply

    XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>